Во рамките на проектот „Зајакнување на ромската жена во РСМ“ на 19 и 20 октомври во „Астера Апартментс“ беше организирана обука за социјално претприемништво, наменета за ромски здруженија кои се вклучени во реализацијата на проектот, особено за претставници од двете работилници за кроење и шиење во Кичево и Кочани. Обучувачот Весна Кардалевска ги информираше присутните за организациски модели на социјално претприемништво, направи осврт на правната рамка во Македонија, презентираше примери на социјални претпријатија и нивните бизнис модели. Вториот ден од обуката беше организиран во форма на работилница на која се генерираа идеи и беа поставени бизнис модели за социјални претпријатија.